MANILA, Feb. 6, 2014 (PIA)–Gitakda sa Department of Education (DepEd) sa Marso 27 ug 28 ang graduation sa mga pampublikong tunghaan sa nasud base sa gipagawas nga DepEd Order #10 series of 2013.
Gimando usab sa ahensya nga himuong yano lamang ang pagpahigayon sa graduation sa mga bata ug hugot usab ang ilang pasidaan batok sa pagpaningil og mga graduation fees.
Matud pa ni DepEd Assistant Secretary Tonisito Umali, wala pugngi ang mga prinsipal, administrator ug Parents-Teachers Association (PTA) sa mga pampublikong tunghaan nga mangolekta og graduation fees aron himuong memorable ang okasyon.
Apan angay dili kini mahimong babag alang sa uban nga dili maka-martsa tungod kay dili makabayad sa maong graduation fee.
Kun may reklamo kalabot sa pugos nga pagpaningil sa graduation fee, mahimong e-text ang reklamo sa DepEd hotline nga 0919-4560027. (PIA7-Bohol/ECB)