TAGBILARAN CITY, Bohol, June 07 (PIA)–Tulo pa ka ngalan ang nadugang sa mga nominado isip mosunod nga chief justice sa Supreme Court.
Gipahayag ni Judicial and Bar Council (JBC) member Jose Mejia nga apil sa mga ngalan nga giduso kanila sila si human rights advocate lawyer Katrina Legarda, Solicitor-General Francis Jardeleza ug Ateneo De Manila College of Law Dean Cesar Villanueva.
Gawas sa tulo, apil usab sa mga kandidato ang mga most senior associate justices sa Korte Suprema sa panguna ni Senior Associate Justice ug karon acting chief justice Antonio Carpio, Associate Justices Presbitero Velasco Jr., Teresita Leonardo-de Castro, Arturo Brion ug Diosdado Peralta.
Kagahapon, pormal nang gibuksan sa JBC ang nomination process alang sa pagpili sa mohulip sa gibiyaang puwesto ni kanhi Chief Justice Renato Corona. Matapos ang pagpangdawat sa JBC og nominasyon sa Hunyo 18.
Gikan sa gidusong mga ngalan sa JBC, mopili si Presidente Benigno Aquino III sa bag-ong chief justice sa Korte Suprema. (PIA-Bohol/ecb)
