Ang kagamhanan mohimo og lapad nga kompanya para sa mga benepisyo sa VAT o value added tax, labina sa mga kabus. Mao kini ang gibutyag ni Kalihim sa Prensa Jesus Dureza.
Matud pa ni Dureza, ang kabus o “masa”, nga mao ang direktang benepisaryo sa VAT kulang sa kasayuran o gi-maniho sa “misinformation”. Kon igo pa ang ilang kasayuran, ug wala sila gi-misinform, ila untang dawaton sa kalipay ang SONA ni Presidente Gloria Macapagal Arroyo.
Busa, dugang ni Dureza, kinahanglan adunay hinanali ug lapad nga kampanya sa mga benepisyo sa VAT, samtang nanawagan sa mga katawhan labina ang ‘masa’ nga mo-apil unta niining kalihukan.
Ang presidente usab, sa iyang SONA, mi-apila sa mga hugpong politikal, relihiyoso, ‘civil society’… nga mosanong ug motabang alang sa kaayuhan sa nasud…”
Si Presidente Arroyo, sa iyang ika-8 nga State of the Nation Address o SONA, mipalanog sa iyang baragonan nga dili papason ang VAT labina sa mga produktong petrolyo.
Ang VAT, matud pa sa presidente, importante ug dako ang natabang sa mga kabus, kay kon papason kini, ang moginansya lang niini mao ang mga adunahan og dili maka-kabus.
Ang koleksyon gikan sa VAT mobalik sa mga kabus pinaagi sa “power subidies’, skolarship, pahuwam para panginabuhian, maayong serbisyo sa panglawas pinaagi sa pag-upgrade sa mga tambalanan, ug uban pa, apas sumpay ni Dureza. (PIA/Bohol)