TAGBILARAN CITY, Bohol, Dec. 27 (PIA)–Kasamtagang giputol sa mga kongresista ang ilang bakasyon karong holiday season aron motambong sa necrological service alang sa mipanaw nga si Bohol 2nd District Rep. Erico Aumentado.
Si Aumentado mipanaw niadtong mismong adlaw sa Pasko sa edad nga 72 tungod sa komplikasyong sa pneumonia.
Ang Bohol solon ang chairman sa House committee on ethics ug kanhi na usab nigunit sa nagkalain-laing posisyon sa lalawigan sa Bohol.
Mitambong sa necrological service ang mga mahal sa kinabuhi sa magbabalaod, samtang nihatag usab og mensahe si House Speaker Feliciano Belmonte Jr.
“Public service was not only a calling to him but his passion,” matud pa ni Belmonte nga kauban na ni Aumentado’s kaniadto pang 9th Congress.
Si Aumentado nahimong miyembro sa 9th, 10th ug 11th Congress.
“Aumentado served his constituents so humbly yet so honorably. Your monument need not be erected in marble for it is enshrined in the heart of each and every Boholano,” matud pa usab ni Cebu Rep Eduardo Gullas.
Bisan ang mga kauban ni Aumentado sa House minority bloc nga sila minority leader Danilo Suarez, Rep. Amelita Villarosa ug Rep. Arthur Yap nipadayag usab sa ilang mga mensahe alang sa mipanaw nga magbabalaod.
Gitakdang moabot sa lalawigan sa Bohol ang patay’ng lawas ni Aumentado ugma, Disyembre 28, samtang gitakda ang iyang lubong sa Enero 5, 2013 sa Victoria Memorial Park. (PIA-Bohol/ecb/p-o)