MANILA, Feb. 18 (PIA)–Gipalig-on sa Estados Unidos ug sa Association of Southeast Asian Nations (ASEAN) ang kampanya batok sa terorismo ug ekstremismo sa rehiyon.
Kini human sa pagtak-op sa duha ka adlaw nga pagpulong nilang US President Barack Obama ug mga lider sa ASEAN apil na si Presidente Benigno ‘Noynoy’ Aquino III nga gipahigayon sa California, USA.
Ang mga lider sa ASEAN nitapos sa Special US-ASEAN Summit pinaagi sa pagpagawas og joint statement nga gitawag og Sunnylands Declaration.
Gipalig-on niini ang pagsumpo sa problema sa human ug drug trafficking, iligal nga pagpangisda, pagpayohot sa mga wild animals ug punoan sa kahoy ug apil na ang pagresolba sa climate change lakip na ang pagpatuman sa Paris Climate Agreement.
Natukod niadtong 1967, ang ASEAN groups naglangkob sa mga nasud sa Brunei Darussalam, Cambodia, Indonesia, Laos, Malaysia, Myanmar, the Philippines, Singapore, Thailand ug Vietnam. (ecb/PIA7-Bohol)
