MANILA, Mar. 07 (PIA)–I-apil na sa Department of Education sa K to 12 program ang mas detalyadong kasaysayan sa Martial Law.
Matud pa ni DepEd Assistant Secretary Tonasito Umali, itudlo sa mga tinun-an sa Grade 5 ug 6 ang kasaysayan sa Martial Law sugod tuig 1946 hangtud 1972.
Giingong nahisulod kini sa asignaturang Araling Panlipunan apil na ang pagkabutang sa pwesto ni kanhi Presidente Corazon Aquino.
Dungan niini, gitino na ni Umali kun sa DepEd ba o sa mga pribadong eskwelahan ang pipila ka libro nga nagpatik sa giingong sayop nga impormasyon kalabot sa Martial Law.
Kahinumdoman nga mikatap sa facebook ug uban pang social media accounts ang giingong sayop nga nakasuwat sa kasasaysayan sa pipila ka libro sa mga batang estudyante.
Matud pa sa DepEd, ang curriculum guide sa Grades 5 ug 6 sa Araling Panlipunan gi- disenyo aron mahatagan ug mas lawom nga pagtuki sa Martial Law period ug Philippine History ang mga estudyante. (ecb/PIA7-Bohol)