TAGANA ang usa ka korte sa Manila nga mohatag ug dugang panahon sa mga ahensya sa kagamhanan kinsa gisangonan sa pagtuki kon ang mga kompanya sa lana nalambigit ba sa pagmanipula sa presyo ug paghimog cartel.
Una nga nga gihatagan ang Commission on Audit (COA), Bureau of Internal Revenue (BIR) ug Bureau of Customs (BOC) sa tulo ka buwan aron maghipno sa ilang taho, apan andam si Judge Silvino T. Pampilo, Jr sa Manila Regional Trial Court Branch 26 paghatag sa lugway aron hingpit nga masusi ang libro sa Petron, Pilipinas Shell ug Chevron sa milabayng tuig 2003.
Lakip sa susihon sa mga ahensya ang mga dokumento sama sa cash receipts, delivery receipts, sales invoices ug purchase orders.
Gipetisyon na sa partylist nga Social Justice Society (SJS) sa korte nga pugson ang mga kompanya sa lana pagbukas sa ilang mga libro human sila gidudahang nakalapas sa balaod sa oil deregulation. (PIA)