MANILA, Mar. 04 (PIA)–Agi og pagsaulog sa Women with Disabilities Day sa Marso 28 ning tuig, si Kalihim Mel Senen Sarmiento sa Department of the Interior and Local Government (DILG) midasig sa tanang Local Chief Executives (LCEs) sa pagpahigayon og haom nga mga kalihokan alang sa aktibong pag-apil sa women with disabilities o mga kababayen-ang adunay kakulian sa panglawas sa nasudnong kalamboan.
Ang tema sa selebrasyon ning tuig mao ang “Kapakanan at Karapatan ni Juanang May Kapansanan, Isama sa Plano ng Bayan.”
“Mahalaga na mahikayat ang mga kababaihan na may espesyal na pangangailangan na maisama ang kanilang mga adhikain sa kabuuang plano ng pamahalaang nasyunal,” matud pa ni Sarmiento.
Sa iyang direktiba, ang Kalihim sa DILG miawhag usab sa LCEs sa pagsuporta sa Women With Disabilities Day pinaagi sa mga mosunod nga kalihokan sa ilang mga lugar:
Pagbitay og advocacy streamers/tarpaulins sa mga estratehikong lugar. Ang design/lay-out sa tarpaulin mahimong ma-download gikan sa National Council of Disability Affairs (NCDA) website ug http://www.ncda/gov.ph.
Pagpahigayon og Orientation-Workshop cum Communication Planning sa Republic Act 10354 nga gitawag usab isip “The Responsible Parenthood and Reproductive Health Act of 2012”.
Pagpahigayon og forum kalabot sa Reproductive Health Law and Action Research on Gender and Disability Inclusive Disaster Risk Reduction Management (DRRM).
Gi-awhag usab ang mga lokal nga opisyal nga mahimong aktibo sa pagduso sa katungod sa mga kababayen-ang adunay kakulian sa panglawas. (ecb/PIA7-Bohol)