TAGBILARAN CITY, Bohol, Sept. 19 (PIA)–Giseguro sa Malakanyang nga walay “compromise deal” sa bisan kinsa mang malambigit sa kasamtangang gisusi nga giingong anomaliya sa paggamit sa Priority Development Assistance Fund (PDAF) o pork barrel nga pondong nakagahin sa mga sakop sa Kongreso.
Gipapas ni Presidential spokesperson Edwin Lacierda ang kahadlok sa kadaghanan nga basin adunay mga magbabalaod, ilabi na ang mga kaalyado sa Administrasyon, nga mapamatud-ang nalambigit sa P10-bilyong pork barrel scam, ang dili makasohan bugti sa impormasyong ihatag.
Gipasalig ni Lacierda nga sa higayong mapasaka na ang kaso, gawas na ang Malakanyang niini ug ipaubos na kini sa gahum sa hukom.
“Tinitiyak ko sa inyo na walang compromise deal sapagka’t sa sandaling maiharap ang sakdal laban kanino man, labas na kami rito. Ito ay saklaw na ng kapangyarihan ng Ombudsman. Ang Ombudsman na ang magkakaroon nang lubos na kapangyarihan dito…kung ano ang ihaharap na kaso laban kanino mang tao—maging mambabatas o kahit ang opisyal ng mga NGOs (non-government organizations),” sumpay pa ni Lacierda.
Napasaka na ang kasong plunder sa buhatan sa Ombudsman batok sa giingong reyna sa pork barrel scam nga si Janet Lim-Napoles, 3 ka senador ug ubsn pa nga nalambigit sa giingong P10 bilyon pork barrel scam. (PIA-Bohol/ecb)