MANILA, September 26 (PIA)–Gitataw sa Malakanyang nga wala kini gitago gikan sa international community ilabi na sa kampanya batok sa ilegal nga droga ni Presidente Rodrigo Duterte mao nga bukas sa pagbisita ang nasod sa United Nations (UN), European Union (EU) ug bisan si United States President Barack Obama.
Matud pa ni Presidential Communications Office (PCO) Kalihim Martin Andanar, bukas ang Duterte administration sa pagbisita ug pag-imbestiga sa United Nations Rapporteur on Human Rights.
Dugang pa ni Andanar,.kini klaro nga manipestasyon nga walay bisan unsang butang nga gitago gikan sa international community ang nasod.
Kalabot niini, wala pa’y pormal nga imbitasyon alang sa mga UN rapporteurs nga moanhi sa Pilipinas aron mopahigayon og imbestigasyon sa giingong extrajudicial killings.
Kahinumdoman nga niadtong Huwebes, dayag nga gi-imbitar ni Presidente Duterte ang mga nahisgotan.
Matud pa sa taho, magpadala ang UN og 18-man team sa Pilipinas gikan Setyembre 28-29 aron mopahigayon og review sa nahimong compliance sa nasod kalabot sa human rights obligations ubos sa International Covenant on Economic, Social, and Cultural Rights (ICESCR). (ecb/PIA7-Bohol)