GIAGHAT ang mga ahensya sa kagamhanan karon nga magpaskil sa ilang tagsa-tagsa ka mandatos ug sa mga serbisyo nga ilang gitanyag sa lakang nga kubsan hangtud sa wagtangon na ang red-tape.
Matud sa ni Civil Service Commission chairperson Ricardo Saludo, kini subay sa balaod sa Anti-Red Tape ug gipatuman na sa kapin sa 50 na ka nasudnong ahensya ug buhatan sugod sa miaging buwan.
Tumong niini mao ang pagpadali sa mga fronline operations sa mga buhatan, ni Saludo pa.
Kini usab nalakip sa tulo ka aaging gisyugyot sa CSC aron ipa-adang ang programa sa anti-red tape.
Matud ni Saludo, masundan na sa publiko ang mga lakang ug mag serbisyong gitanyag sa ahensya aron ikita asang dapita ang transaksyon mosabud.
Laing paagi nga gisugyot sa CSC mao ang performance target based evaluation, aron ang trabahante magbuhat gayud subay sa iyang mga tumong.
Dugang niini, gipatuman usab sa CSC ang call center operation agi ug reklamohanan sa katawhan. (PIA/rachiu)