MOABOT sa tulo hangtud upat ka buwan ang pagbayad sa mga depositor sa Banco Filipino
nga may deposito nga kapin sa P500,000.
Kini matud pa ni Philippine Deposit Insurance Corporation (PDIC) Executive Director Cristina
Orbeta taliwala sa mga nanggawas nga balitang dili sakop sa deposit insurance ang mga
depositor sa maong bangko nga may depositong kapin sa P500,000.
Niingon si Orbeta nga makuha sa mga depositor ang maong kantidad sulod sa 90 hangtud
120 ka adlaw human makaduso og valid deposit insurance claim.
Gisugdan na usab sa PDIC niadtong Marso 25 ang pagpadala sa mga tseke sa mga gagmay
nga depositor sa bangko o kadtong adunay deposito nga P5,000 paubos.
Gipahayag usab ni Bangko Sentral ng Pilipinas (BSP) Executive Director Juan de Zuñiga nga
dili sila mahimong mohatag og ayuda sa Banco Filipino tungod sa hulam niini sa BSP nga
kapin sa P4 bilyon. (ecbPIABohol)
