Mga detalye sa pagbisita ni Pope Francis sa nasud, gipagawas na
MANILA, Nov. 17 (PIA)–Gipagawas na sa Vatican ang mga detalye sa aktibidad ni Pope Francis sa pagbisita niini sa nasud gikan Enero 15 hangtud 19, 2015.
Sa usa ka press conference niadtong Biyernes sa gabii, gi usa-usa sa mga tinugyanan sa Simbahang Katoliko ug gobyerno ang mahimong itinerary sa himuong Papal Visit sa 2015.
Gipangunahan ni Manila Archbishop Luis Antonio Cardinal Tagle ang panig sa Simbahang Katoliko samatang silang Executive Secretary Paquito Ochoa Jr. ug Presidential Communications Operations Office (PCOO) Secretary Sonny Coloma ang ni-representar sa panig sa gobyerno.
Mao kini ang kinatibuk-ang itinerary sa Santo Papa:
Enero 15 (Huwebes)
5:44 PM – Pag-abot sa Manila
Enero 16 (Biyernes)
9:15 AM – Courtesy call sa Malakanyang
10:15 AM – Pakigkita sa ubang opisyal sa gobyerno ug miyembro sa diplomatic corps
11:15 AM – Santos nga Misa kauban ang mga opisyal ug kaparian sa Katedral sa Manila
5:30 PM – Pakig-pulong kauban ang mga pamilyang Pilipino sa Mall of Asia Arena
Enero 17 (Sabado)
8:15 AM – Mogikan sa Manila paingon sa Tacloban City
9:30 AM – Pag-abot sa Tacloban City
10:00AM – Santos nga Misa duol sa Tacloban Airport
12:45PM – Paniudto kauban ang mga biktima sa pagpanghasi sa bagyong Yolanda sa Archbishop’s
Residence sa Palo, Leyte
3:00 PM – Pagbasbas sa Pope Francis Center for the Poor sa Palo, Leyte
3:30 PM – Pakig-pulong kauban ang mga pari, seminarista, relihiyoso ug mga pamilyang
nakalingkawas sa bagyong Yolanda sa Katedral sa Palo, Leyte
5:00 PM – Paggikan paingon sa Manila
6:15 PM – Pag-abot sa Manila
Enero 18 (Dominggo)
9:45 AM – Pakig-pulong kauban ang nagkalain-laing lider sa mga hugpong pangrelihiyon sa Pontifical
University of Santo Tomas sa Manila
10:30AM – Pakig-pulong kauban ang mga kabataan sa sports field sa UST
3:30 PM – Santos nga Misa sa Rizal Park sa Manila
Enero 19 (Lunes)
9:45 AM – Departure ceremony sa Presidential Pavillion sa Villamor Airbase sa syudad sa Pasay
10:00AM – Paggikan paingon sa Roma
5:45 PM – Pag-abot sa Roma
Si Pope Francis ang ikatulong Santo Papa nga maka-bisita sa nasud. Una nang niduaw sa Pilipinas si Blessed Paul VI niadtong 1970 ug si Saint John Paul II niadtong 1995. (ecb/PIA7-Bohol)