MANILA, Mar. 25, 2014 (PIA)–Gitataw karon sa Department of Education (DepEd) nga wala gi-obligar ang mga motapos sa elementarya ug high school nga magsuot og toga sa graduation.
Matud pa ni Assistant Sec. Tonisito Umali nga patakaran nilang himuong yano lamang ang graduation rites sa mga pampublikong tunghaan
Giingong imbes nga toga, mahimong suoton sa mga motapos sa pagtungha ang regular nga uniporme sa graduation.
Dugang pa ni Umali, wala usab angay huna-hunaong bayad ang mga ginikanan sa graduation tungod kay may gipatuman man nga “no collection policy” ang DepEd.
Giingong bisan gitogotan sa buhatan ang Parents-Teachers Association (PTA) nga mangolekta og pondo, dili man kini pinugsanay.
Nipasidaan usab si Umali nga bawal ang pagrenta og lugar sa gawas sa pampublikong tunghaan alang sa kalihokan sa graduation.
Kun adunay gustong moreklamo kabahin niini, mahimong motawag sa nasudnong buhatan sa DedEd sa numero 633-1942 ug 636-1663 o mo-text lang sa 0919-4560027.
Pasalig pa ni Umali, bisan dili magpaila ang moreklamo, hatagan nila kini dayon ug pagtagand ug aksyunan sa buhatan.
Gitakda sa DepEd sa Marso 27 ug 28 ang graduation ceremony sa mga pampublikong tunghaan. (PIA7-Bohol/ECB)