MANILA, July 20 (PIA)–Gitugyan na sa Malakanyang sa Commission on Human Rights ang pagtutok sa mga kaso sa pag-torture sa mga polis ug aron maduso ang anti-torture policy sa mga tigpatuman sa balaod.
Matud pa ni Presidential Communications Operations Office (PCOO) Kalihim Sonny Coloma Jr., walay lugar sa gobyerno ang torture tungod kay paglapas kini sa balaod ug ilabi nang paglapas kini batok sa tumong nga demokrasya.
Kalabot niini, hugot nga gipahinumdoman ni Coloma ang Philippine National Police (PNP) nga kinahanglang ipatuman ang balaod ug sila ang angay nga unang mosunod sa balaod.
Matud pa nga panahon na nga itul-id ang mga sayop ug susamang aksyon tungod kay sila man ang tigpatuman sa balaod nga nausab tungod sa sayop nga binuhatan sa pipila lamang ka mga polis. (ecb/PIA7-Bohol)
