TAGBILARAN CITY, Bohol, Sept. 11 (PIA)–Pasakaan na og kaso sa Department of Justice (DOJ) sa Ombudsman ang mga nalambigit sa kontrobersyal nga P10 bilyon pork barrel scam.
Apan nagdumili pagbutyag si Justice Secretary Leila de Lima kun kinsa ang mga pasakaan og kaso ug unsa ang mga kasong ipasaka niini.
Bisan una nang nabutyag nga giingong adunay lima nga pasakaan og kaso, gihimakak sa abogado ni Bengur Luy nga may gihinganlan sila kalabot sa maong scam.
Matud pa ni de Lima, maayong paaboton na lamang ang pagpasaka og kaso tungod kay gi-kumpleto na lamang sa kampo sa mga whistleblower ang mga documentary evidences nga iduso karon sa National Bureau of Investigation (NBI). (PIA-Bohol/ecb)