MANILA, Feb. 19 (PIA)–Gipasigarbo ni Presidente Benigno ‘Noynoy’ Aquino III sa iyang pag-abot ganinang buntag gikan sa Estados Unidos ang mga potensyal nga investment nga posibleng ibunga sa iyang pagbisita sa Estados Unidos.
Kampante si PNoy nga daghang investors ang nadani niya sa maong duha ka adlaw nga byahe diin mitambong siya sa ASEAN-US Leaders Summit.
Sa iyang arrival statement ganinang buntag, gibutyag sa Presidente nga gitakdang mobisita karong tuig ang chairman sa Walt Disney International kinsa nipahayag og kagustuhan nga motabang sa pagpakusog sa creative industry sa nasud.
“Bilang sagisag ng interes ng mga kumpanya, nakaplano pong bumisita sa Pilipinas ang chairman ng Walt Disney ngayong taon, at nagpahayag din po sila ng kagustuhang tumulong sa lalo pang pagpapalakas ng ating creative industry,” matud pa ni PNoy.
Gawas sa Walt Disney, nipahayag usab og kagustuhang magpalapad sa ilang operasyon sa nasud ang kumpanyang Western Digital Corp. ug ang nakahinabi ni PNoy nga Architecture, Engineering, Consulting, Operations and Maintenance (AECOM) nga gipaabot nga mahimong katambayayong sa capacity building sa mga Pinoy kalabot sa imprastraktura.
Gawas sa mga investors, wala usab gipalabay sa Presidente ang kahigayonan nga ipa-ambit sa Filipino community ang mga kabag-ohan sa nasud nga gipatuman ubos sa iyang administrasyon. (ecb/PIA7-Bohol)
