MANILA, September 21 (PIA)–Gilusad sa Philippine National Police (PNP) ang “iSerbis” nga pinakabag-o niining mobile application.
Nahisulod sa iSerbis ang infographics ug mga kalamboan kalabot sa Project Double Barrel.
Gamit ang mobile app, mahimong mo-report og krimen ug mga modus operandi ang publiko, ug makita ang mga emergency hotline.
Ma-aaccess usab sa maong app ang PNP Directory, listahan sa mga opisyal nga contact numbers ug tanang hepe sa polisya.
Matud pa sa direktor sa PNP-Information Technology Management Service nga si Chief Supt. Edwin Jose Nemenzo, tubag kini sa polisya sa pag-aghat ni Presidente Rodrigo Duterte sa mga ahensya sa gobyerno nga mogamit sa bag-ong teknolohiya aron makonhoran ang red tape.
Matud pa nga parte usab kini sa kampanya sa gobyerno batok sa ilegal nga droga.
Nahisulod na usab dinhi ang uban pang mobile application sa PNP, sama sa “Itaga Mo Sa Bato App”, ug hotlines 911 ug 8888. (ecb/PIA7-Bohol)
