MANILA, Mar. 19, 2014 (PIA)–Iduso sa Commission on Elections (Comelec) ang pagmugna og balaod kalabot sa pagmonitor sa election campaign online.
Matud pa sa tigpamaba sa Comelec nga si Atty. James Jimenez, adunay nagamit nga online campaigning niadtong 2010 ug 2013 elections.
Tungod niini, posibleng daghan pang kandidato ang mogamit usab sa internet sa pagpangampanya alang sa 2016 national elections.
Tungod usab niini, giingong kinahanglan na sa Kongreso nga magmugna og balaod alang sa pag-monitor sa expenditures o mga gasto sa kandidato alang niini.
Kahinomdoman nga nipagawas ang Comelec sa Resolution No. 9615 diin nakalatid ang mga sumbanan kalabot sa pagbutang og mga election campaign materials online. (PIA7-Bohol/ECB)