PADAYON pa gihapon ang National Food Authority (NFA) sa iyang laraw nga mopalit og 20 million ka sakong humay subay sa laraw sa pagkompta ni Presidente Gloria Macapagal Arroyo aron katabangan ang local nga mga mag-uuma.
Matud ni agriculture Secretary Arthur Yap, aron itugbang sa pagsaka sa produksyon sa humay sa unang tulo ka buwan sa tuig, padayonon sa NFA ang procurement volume agig suporta sa mga mag-uuma.
Kini usab aron lapasan pa ang taas na nga produksyon sa milabayng tuig nga naa sa 16.82 milyones metriko tonelada, sumpay ni Yap.
Kini nga lakang usab human milapad ang kampanya sa mga mag-uuma nga ang ilang animaoy unang komprahon sa kagamhanan sa dili pa kini mag-palit sa mga nasud sa gawas.
Butyag usab ni Yap, gipahumutang sa Malacañang ang FIELDS agi ug interbensyon agi og pagpasugod sa trabaho subay sa Comprehensive Livelihood and Emergency Employment Program (CLEEP) isip economic stimulus package. (PIA)
