Gideklarar niadtong Miyerkoles sa Malacañang nga usa ka special non-working holiday karong Oktubre 25, 2010 aron makahigayon ang mga tawo sa ilang partisipasyon sa Barangay ug Sangguniang Kabataan (SK) elections.
Ubos kini sa Proclamation Number 48 ni Presidente Benigno Noynoy Aquino III sumala pa sa kalihim sa Presidential Communication Development and Strategic Planning nga si Ricky Carandang.
Matud pa ni Carandang nga kinahanglang mobotar gyud ang mga tawo isip kabahin sa ilang mga katungod nianang adlawa maong gideklarar kining non-working holiday.
Miabot ngadto sa 672,400 ka mga posisyon gikan sa 42,025 ka mga barangay sa tibuok Pilipinas. (PIA)