Online petition flatform, ilusad sa Malakanyang
MANILA, Nov. 3 (PIA)–Usa ka online platform ang buksan sa gobyerno nga modawat og mga petisyon o formal request sa katawhan.
Sa gimugnang online petition platform, tuyo sa Presidential Communications Development and Strategic Planning Office (PCDSPO) nga mahatagan og access ang publiko aron maka-log-in ug maka-post sa ilang petisyon.
Pagabuksan usab ang petisyon sa publiko ug kun makakuha og igong e-signatures, hatagan kini og tubag o official response sa Malakanyang.
Matud pa ni Presidential Communications Operations Office (PCOO) Kalihim Herminio ‘Sonny’ Coloma nga padayon ang pagmugna sa maong petition platform sa internet ug kasamtangan kining gi-andam alang sa public consultation.
“Nagtakda ang tanggapan ng PCDSPO ng consultation period. Sinimulan nila noong September 13, tatagal ito hanggang sa… November 15 para makalap lahat ng mga suhestyon na manggagaling sa ating mamamayan kung paano ang pinakamainam na sistema o proseso hinggil ditto,” matud pa ni Coloma.
Nakabutang usab sa Official Gazette website ang kabahin sa online petition platform diin nakabutang ang “We are done with the initial planning, and there have been internal discussions on the design and features… We are particularly watching out for suggestions regarding the maximum length of a petition (petitions that are too long might take too long to study, and process), and the minimum number of signatories before an official response is warranted.”
Dugang pa ni Coloma nga nahisulod sa konsepto ang mapa-abot mismo kang Presidente Benigno ‘Noynoy’ Aquino III ang mga petisyon.
Ang gimugnang online petition platform gawas pa sa Twitter ug Facebook account ni PNoy.
Kinahanglan lamang kining i-click aron mapa-abot ang inyong suhestiyon.
Susama kining bag-ong proyekto sa White House petitions page nga petitions.whitehouse.gov. (ecb/PIA7-Bohol)