TAGBILARAN CITY, Bohol, Nov. 23 (PIA)–Nakalusot na gahapon sa ikatulo ug katapusang pagbasa ang P1.816 trilyon General Appropriations Act (GAA) alang sa tuig 2012.
Matud pa ni Sen. Franklin Drilon, chairman sa Senate Finance Committee, kini ang pinaka-unang national budget nga napasar ubos sa administrasyong Aquino.
Giingong gipaabot nga masumite sa Malacañang ang national budget sa unang semana sa Disyembre.
Apil sa mga ahensiyang makadawat og taas nga pahat sa budget ang Education, P202.354- bilyon; DPWH, P109.633-bilyon; Defense, P106.880-bilyon; DILG, P92.794-bilyon ug Agriculture, P53.243-bilyon.
Ang Office of the Pre-sident hatagan og P2.595-bilyon samtang P8.961-bilyon sa Kongreso ug P15.075 bilyon ang judiciary. (PIA-Bohol/ecb)
