SUGOD Disyembre 15, makadawat na sa tag P10 mil nga performance bonus ang matag empleyado sa goberno.
Agi ug sayo nga pinaskuhan, gipadayag ni Budget Secretary Rolando Andaya Jr. nga andam na ang mga dokumento sa pagpagawas sa pahat tag P7 mil nga gikan sa nasudnong kagamhanan sa matag empleyado samtang laing P3 mil ang adto kuhaon sa mga natigum sa tagsa-tagsa ka ahensya.
Pinasikad sa Administrative Order No. 250, nga giluwatan niadtong Disyembre 10, 2008, gitugot na ang paghatag sa performance bonus (PerB) ug kini adto magsukad sa unreleased appropriations ubos sa Miscellaneous Personnel Benefits Fund (MPBF) ug sa natigum sa mga ahensya.
Lahi ang PerB sa na-andang Year-End Bonus ug cash gift nga una na nga nadawat sa mga empleyado sayo sa miaging buwan, dugang niya.
Kahinumduman nga ang DBM mibuhi sa P11.6 bilyones aron kuhaan sa katunga sa year-end bonus ug cash gift ngadtos kapin sa usa ka milyon ka empleyado. (rachiu/PIA)
