TAGBILARAN, Dec. 10 (PIA)–Sugod karong adlawa (Disyembre 10), ipanghatag na sa Government Service Insurance System (GSIS) ang cash gifts sa 235,180 nila ka pensioners.
Naggahin og kinatibuk-ang P2.6 bilyon ang ahensiya aron ipanghatag isip cash gift sa mga retiradong kawani sa pampublikong sektor alang ning tuiga.
Matud pa sa Presidente ug General Manager sa GSIS nga si Robert G. Vergara, ang maong kantidad mas taas og 8 porsiyento kun itandi sa pondong gigahin sa niaging tuig.
Tungod sa gidugang sa pondo, ang mga pensiyonado nga nakadawat og kapin sa P10,000 kaniadto makadawat na og dili molapas sa P12,600 nga bonus alang ning buwan sa Disyembre.
Samtang ang mga nakadawat usab og P10,000 o mas ubos pa niini niadtong 2014, makadawat og dili molapas sa susamang kantidad karong 2015. (ecb/PIA7-Bohol)