MANILA, May 6 (PIA)–Gitataw sa Commission on Elections (Comelec) nga dili sakop sa ilang gahom ang pag-regulate sa nahisulod sa usa ka political advertisement sa radyo o telebisyon.
Matud pa sa tigpamaba sa Comelec nga si Atty. James Jimenez, ang e-monitor sa komisyon mao ang panahon sa pag-ere sa matag campaign ads ug dili ang nahisulod niini.
Apan matud pa ni Jimenez nga may gitawag man nga ‘truth in advertising’.
Giingong dili usab mo-agi sa poll body ang nahisulod sa political ads ug wala usab proseso aron aprubahan pa nila kini sa dili pa e-ere.
Matud pa sa Comelec nga dili angay masorpresa ang publiko sa mga nanggawas nga negatibong political ads tungod kay dugay naman kining nahitabo.
Gawas niini, giingong dugay na usab gigamit ang mga bata apil na ang mga tigulang sa mga political ads sa mga kandidato.
Ang basehan pa gihapon sa Comelec sa ilang finance unit alang sa computation sa airtime sa kandidato matud pa ni Jimenez mao ang disclaimer sa tumoy sa political ads. (ecb/PIA7-Bohol)