TAGBILARAN CITY, Bohol, Feb. 07 (PIA)–MIGAWAS sa usa ka time and motion study nga gipahigayon sa Commission on Elections (Comelec) nga molanat lamang og average nga 10 minutos ang pagbotar.
Base sa pagtuon, miingon si Comelec Executive Director Jose Tolentino nga mokaon lamang ang usa ka botante aron makabotar og lima hangtud 25 minutos isip pinakadugay.
Matag presinto, adunay average nga 600 botante samtang 1,000 usab sa uban.
Sa 10 hangtud 12 ka botante nga ma-proseso sa usa ka presinto nga magdungan, gituhuang igo na ang 12-oras nga voting schedule sa Comelec.
Samatang giseguro usab ni Tolentino sa publiko ug sa mga magbabalaod nga nagpadayon ang preparasyon sa Comelec sa piniliay.
Giingong magsugod na usab ang deployment sa mga election paraphernalia sa Marso 15 ug matapos kini sa Mayo 8 diin gitakda ang final sealing ug testing sa Mayo 6. (PIA-Bohol/ecb/i-gg)
Salvage plan sa USS Guardian, aprubado na ni PNoy
TAGBILARAN CITY, Bohol, Feb. 07 (PIA)–APRUBADO na ni Presidente Benigno “Noynoy” Aquino III ang salvage plan sa US Navy sa misangad nga USS Guardian sa Tubbataha Reef.
Matud pa ni Rear Admiral Rodolfo Isorena, commandant sa Philippine Coast Guard (PCG) nga nagpahigayon na og prepositioning sa barko nga gipaabot nga molanat og usa o duha ka adlaw.
“Nagpe-preposition pa lang in fact, we just received the approval from our President dun sa salvage plan po.”
Kun maayo ang kahimtang sa panahon, sugdan na ang actual operation diin tunga-tungaon ang barko sa Domingo o Lunes.
Si Isorena nagkanayon nga depende sa kahimtang sa panahon kun unsa kadugay ang pagkuha sa USS Guardian sa Tubbataha.
Una nang nihikyad og lima ka kondisyon ang Tubbataha management sa pagdawat sa salvage operation sa US Navy. (PIA-Bohol/ecb/i-gg)
