Headlines
DepEd, nipagawas og sumbanan kalabot sa graduation rites
TAGBILARAN CITY, Bohol, Feb. 18 (PIA)–GIPAGAWAS sa Department of Education (DepEd) ang DepEd Order Number 9 Series of 2013 sa tanang pampublikong tunghaan sa tibuok nasud agig pagpahinumdom nga bawal maningil og bisan unsang graduation fee. Kini nagpasabot nga dili mahimong mangolekta ang school administrator, mga magtutudlo ug non-teaching personnel og bisan unsang kontribusyon alang niini. Apan mahimong mohatag og donasyon in cash o in kind ang Parents-Teachers Association (PTA) nga gamiton alang sa commencement exercises. Bawal magpahimo og mga non-academic projects aron lang makatapos ang usa ka estudyante. Dili angay obligahon ang mga motapos nga magsul-ob og mga nindot nga saput ug kun mahimo, uniporme na lang. Bawal usab ipahigayon ang seremonya sa usa ka espesyal o mahal nga venue. Kun adunay yearbook, kinahanglang voluntary basis ang kontribusyon alang niini. Angay lamang nga tinuoray, disiplinado ug memorable ang graduation rites alang sa mga estudyante ug ilang ginikanan apan dili kinahanglang bongga o mahal. Og labi sa tanan, bawal gamiton sa mga kandidato ang graduation rites alang sa ilang pagpangampanya.... read moreDOH, nipasidaan sa bag-ong virus nga susama sa SARS
TAGBILARAN CITY, Bohol, Feb. 18 (PIA)–GI-ALERTO sa Department of Health (DOH) ang tanang tambalanan sa tibuok nasud batok sa giingong usa ka matang sa virus nga susama sa Severe Acute Respiratory Syndrome (SARS). Kini human sa labing bag-ong nakumpirmang impeksyon nga Novel Coronavirus (NCOV) sa United Kingdom. Matud pa ni DOH Spokesperson Assistant Secretary Dr. Eric Tayag, gimanduan na nila ang tanang tambalanan sa tibuok nasud nga i-report dayon ang mga grabeng kaso sa pneumonia nga nag-negatibo sa influenza virus ug bacteria aron matino kini dayon. Sa labing ulahing taho, giingong mikabat na sa 11 ang kumpirmadong kaso sa NCOV sa tibuok kalibotan diin lima na ang namatay sa Saudi Arabia ug Jordan. Nakitaan ang mga apektadong pasyente og mga respiratory illness nga may kaubang hilanat, ubo ug lisud sa pagginhawa. Apan giseguro sa DOH nga wala pay natalang kaso nga NCOV sa nasud mao nga walay angay ikabalaka ang publiko. Sa pagkakaron, gitun-an pa sa mga health officials sa tibuok kalibotan ang NCOV infection.... read more
P2.6-B cash gift alang sa mga GSIS pensioners, ipanghatag na sugod karong adlawa
TAGBILARAN, Dec. 10 (PIA)–Sugod karong adlawa (Disyembre 10), ipanghatag na sa Government Service Insurance System (GSIS) ang cash gifts sa 235,180 nila ka pensioners. Naggahin og kinatibuk-ang P2.6 bilyon ang ahensiya aron ipanghatag isip cash gift sa mga retiradong kawani sa pampublikong sektor alang ning tuiga. Matud pa sa Presidente ug General Manager sa GSIS nga si Robert G. Vergara, ang maong kantidad mas taas og 8 porsiyento kun itandi sa pondong gigahin sa niaging tuig. Tungod sa gidugang sa pondo, ang mga pensiyonado nga nakadawat og kapin sa P10,000 kaniadto makadawat na og dili molapas sa P12,600 nga bonus alang ning buwan sa Disyembre. Samtang ang mga nakadawat usab og P10,000 o mas ubos pa niini niadtong 2014, makadawat og dili molapas sa susamang kantidad karong 2015....No Results Found
The page you requested could not be found. Try refining your search, or use the navigation above to locate the post.
Local News/ Bohol Balita
No Results Found
The page you requested could not be found. Try refining your search, or use the navigation above to locate the post.
National News
Latest News
Contributors
Daily News
