GIKALIPAY sa Malakanyang ang bag-ong resulta sa survey nga nagtug-an sa pagkubos sa gidaghanon sa Pinoy nga gigutom.
Matud sa survey sa Social Weather Stations sa survey gikan sa Pebrero 20-23, nikunhod ngadto sa 15.5% ang gigutom ning kwarter kon itandi sa 23.7 % sa milabay’ng kwarter
Butyag ni Deputy Presidential Spokesperson Lorelie Fajardo, ang labing bag-ong Social Weather Station survey nagmatuod nga epektibo ang mga programa sa kagamhanan batok sa kawad-on.
Mismong si Fajardo mibutyag nga kini dala sa paningkamot sa kagamhanan ni Presidente Gloria Macapagal Arroyo pagpahimutang sa Anti-Hunger Mitigation Task Force nga gipangunahan sa National Nutrition Council (NNC)
Una nga gitumbok sa NNC angmga programang angay ipahimutang nga magtubag sa paspas nga pagtubag sa suliran sa kagutom ilabi na sa mga labing kabus, butyag ni Fajardo.
Nalakip sa na[ahimutang nga mga programa mao ang Pantawid Pamilyang Pilipino Program, Malusog na Simula Yaman ng Bansa o ang Food for School, ang Healthy Start Feeding Program, Food for Work ug Cash for Work Program ug mga programang gitambayayongan sa Simbahan. (rachiu/PIA)