MANILA, Mar. 22 (PIA)–Gipahinumdoman sa Commission on Elections (Comelec) ang mga kandidato nga bawal gayud ang pagpangampanya karong Semana Santa.
Giingong angay tahuron sa mga kandidato o political party ang kabalaan sa paghandom sa mga debotong Katoliko sa Semana Santa.
Gitambagan sa Comelec ang mga kandidato nga magpahulay una sa pagpangampanya sa Hwebes Santo ug Biyernes Santo.
Gi-awhag usab sa buhatan ang mga kandidato nga palungon una ang ilang mga loudspeakers ug campaign jingles isip pagtahod sa mga debotong Katoliko sa ilang pagtimaan sa Semana Santa. (ecb/PIA7-Bohol)