TAGBILARAN CITY, Bohol, Sept. 30 (PIA)–Gi-uswag pa sa Government Service Insurance System (GSIS) ang pagpangdawat nila sa aplikasyon alang sa ilang mga miyembro nga wala pa nakakuha sa P4,000 “one time” Educational Assistance Loan hangtud sa Disyembre 27.
Base sa taho sa GSIS, mahimong maka-avail sa maong loan ang tanang aktibong miyembro sa GSIS bisan unsa ang estado sa ilang sweldo, gitas-on sa serbisyo, status sa ilang ahensya ug membership accounts.
Mahimong ipasa ang ilang aplikasyon sa GSIS counter o sa liaison officer sa ilang ahensya.
Giingong dili na usab gikinahanglan pa ang sertipikasyon o endorso sa employers aron makakuha sa maong loan.
Bisan sa kagamay sa kantidad, pagabayaran ang maong loan sa mga miyembro sulod sa lima ka tuig nga adunay 6% interest aron dili bug-at bayran.
Kini nagpasabot nga P20 lang matag buwan sulod sa 59 ka buwan o P240 lang matag tuig ang ibayad sa mga miyembro nga mokuha sa loan. (ECB/PIA7-Bohol)