ALANG sa mga mag-uuma nga buot mangutang sa kubos nga tubo, niay maayong balita.
Ang pag-gamit sa pahuwam nga may ubos nga interes mahimo makuha gikan Agricultural Guarantee Fund Pool (AGFP), nga gipatuman sa Department of Agriculture (DA).
Ang pundo nga gimandu sa Malakanyang ug gipaagi sa ahensya nagagikan sa 5% nga sobra sa mga government-owned ug controlled corporations (OGCCs) sa ilang pahat sa miaging tuig.
Kadtong mga mag-uumang nagtikad sa kapin sa 5 ektaryas ug wala kakita ug I-kolateral sa ilang paghuwam sa mga bangko mahimo na nga manghuwam gikan sa kagamhanan o sa pribado nga institusyon.
Sa ilang paggamit sa pundo nga gitagana, 85% niini adto kuhaon sa AGFP nga gitanyag sa DA ngadto sa LandBank, butyag ni DA Secretary Arthur Yap.
Sa pamahayag ni Yap, gibanabana nga mokabat sa P500M ngadto na sa P800 M ang pundo ug tugbangan pa sa ug laing P100M sa Land Bank.
Pinaagi sa Administrative Order No. 23, si Yap mipadayag nga naluwatan na ang pamaagi unsaon sa mag-uuma paghuwam.
Ang AGFP gamiton aron kahatagag garantiya ang mga mag-uuma alang sa pahuwam nga ubos ang interes ilabi na niadtong anaa sa pagpananum ug mga pagkaon.
Ang DA usab maoy magtan-aw sa AGFP samtang ang Landbank maoy institutional manager. (rachiu/PIA)