BUKAS ang Malacañang sa sugyot sa Catholic Bishops Conference of the Philippines (CBCP) alang sa pagrepaso sa palisiya niini kabahin sa mga presyo sa nag-unang paliton sa nasud.
Matud ni Press Secretary Jesus Dureza, bukas ang estado ning panahon sa ting-lisud, dayag lamang nga buksan sa kagamhanan ang tanang sugyot sa bisan unsa nga sector, lakip na ang gikan sa mga Obispo..”
Sa usa ka press conference, gibutyag ni CBCP president Archbishop Angel Lagdameo, nga ang walay puas nga pagtaas sa presyo sa lana angay na gayud nga makatulak sa kagamhanan sa pagtuki pagbalik sa oil deregulation law.
Gitumbok usab ni Lagdameo ang pagrepaso sa balaod sa expanded value added tax (e-VAT), samtang nakita nila nga kini nga pabuhis nagdugang lamang sa mga palas-anon.
Niiini, gipasalig ni Dureza nga bukas ang malakanyang sa paglili-pagbalik ning mga palisiya.
Hinuon, sugid usab ni Dureza nga kining sugyot tun-an pa sa mga tigdumala sa ekonomiya kay sila ang maghimo sa katapusang rekomendasyon. (rachiu/PIA)