TAGBILARAN CITY, Bohol, May 09 (PIA)–Nabalaka na ang Malakanyang sa sunod-sunod nga reklamo sa mga pasahero batok sa mga airline company.
Matud pa ni Deputy Presidential Spokesperson Abigail Valte, andam ang Department of Transportation and Communications (DOTC) ug Department of Trade and Industry (DTI) nga imbestigahan ang mga reklamo batok sa mga airlines sama sa flight delays ug baggage offloading.
Gitugyan na sa Palasyon sa Civil Aeronautics Board (CAB) ang pagsulbad sa mga palpak nga serbisyon sa mga budget airline.
Kahinomduman nga ang pagka-offload o wala nasakay nga bagahe sa aktres nga si Claudine Barretto ang hinungdan sa karon midaku na nga isyu sa pagsumbagay sa bana sa aktres nga si Raymart Santiago ug ang kolumnistang nga si Mon Tulfo niadtong Domingo.
Nauna nang mipahayag ang Malakanyang nga gitugyan na nila sa pamunoan sa Manila International Airport Authority (MIAA) ang imbestigasyon sa nahitabong kagubot tali nilang Santiago ug Tulfo. (PIA-Bohol/ecb)
600 ka ospital sa nasud, gibutangan na og PhilHealth assistant
TAGBILARAN CITY, Bohol, May 09 (PIA)–Gilusad na sa Philippine Health Insurance Corporation (PhilHealth) ang PhilHealth Customer Assistance, Relations and Empowerment Staff (CARES) Project o pagbutang og PhilHealth assistant sa 600 ka ospital sa tibuok nasud.
Kapin sa 500 ka nurses nga magsilbing PhilHealth assistants o customer assistance relations and empowerment staff (CARES) nga motubag sa mga pangutana sa mga miyembro ang ibutang sa 600 ka pampubliko ug pribadong ospital.
Matud pa ni PhilHealth President Dr. Eduardo P. Banzon, kini gituyo aron adunay madoulan ang mga miyembro sa pagtubag sa form aron makuha ang ilang benepisyo.
Sa pagkakaron, adunay 25 ka sakit nga adunay case rates o fix rate nga gipagawas ang PhilHealth.
Apil na niini ang pagpanganak sa caesarian section ug apil na usab ang medical cases sama sa dengue, pneumonia, asthma ug newborn care package.
Alang sa dugang kasayuran, bisitaha lang ang website sa Philhelath nga www.philhealth.gov.ph o tawagi ang lokal nga buhatan nila dinhi sa syudad sa Tagbilaran sa mga numero 412-0248 ug 235-5622. (PIA-Bohol/ecb)