MANILA, November 2 (PIA)–Gipasabot ni Presidente Rodrigo Duterte nga wala pa siya’y nahimong desisyon sa 2015 Paris Climate Agreement.
Matud pa sa Presidente, dili niya mahimong aprubahan o balibaran ang usa ka butang nga wala pa gi-presentar kaniya.
Giingong wala pa siya naka-desisyon mahitungod niini tungod kay angay timbangon una ang mahimong epekto niini sa ekonomiya sa nasod.
Dugang pa ni Presidente Duterte, ang mga investments nga giduso sa gobyerno magdala og polusyon nga makaapekto usab sa climate deal.
Gipahayag usab sa Presidente nga sa dili pa siya mo-desisyon, mangayo una siya og tambag gikan kang Department of Environment and Natural Resources (DENR) Kalihim Gina Lopez ug sa iyang mga legal advisers aron masiguro nga ang climate deal dili lang makaayo alang sa kalikopan, apan apil na usab sa ikalambo sa ekonomiya sa nasod. (ecb/PIA7-Bohol)
