Tagbilaran City, May 25 (PIA) – Gisugyot kagahapon ni Senador Miriam Defensor-Santiago
ang balaodnon nga nagtinguha sa pagmugna og “pay-to-stay” program alang sa mga national
penitentiaries diin pabayron og hotel rates ang mga binilanggo nga dili bayolente ang giatubang
nga krimen ug gustong mabuwag sa mga ordinaryong preso.
Sigun pa ni Santiago, angay nga bag-ohon na ang kasamtangang balaod aron mabuwag
ang maximum security gikan sa mga minimum security prisoners. Ang mga minimum security
prisoners giingong gitugotan sa pag-apply sa ‘pay-to-stay’ program kun gusto nilang mobayad og
hotel rates.
Niingon si Santiago nga ang “pay-to-stay” program gipatuman na sa penal states sa Amerika diin
ang mga adunahan nga binilanggo gibuwag sa ubang inmates apan kinahanglan nilang mobayad
og hotel rates.
Matud pa ni Santia-go, ang “pay-to-stay” program gipatuman na usab sa daghang syudad
sa California ug gikonsidera na usab sa New York ug Massachusetts.
Apan gitataw ni Santiago nga ang maong balaodnon limitado lamang alang sa mga non-violent
crimes sama sa crimes against public interest diin apil ang fraud, for-gery, ug falsification; crimes
against public morals, apil ang pagsugal, ug nonviolent crimes against property, sama sa theft ug
bouncing checks.
Gi klaro usab ni Santiago nga dili masakop sa maong balaodnon si kanhi Batangas governor
Antonio Leviste tungod kay napahamtangan kini sa bayolenteng krimen nga homicide. (PIA-
Bohol/ecb)