MOLUPAD ngadto sa New York si Presidente Gloria Macapagal Arroyo sa Domingo pohon aron isaysay sa United Nations General assembly ang mid term nga taho sa mga nakab-ot sa nasud kon hisgutan ang Millennium Development Goals.
Ang Presidente matud pa, usa lang sa upat ka Presidente nga maghatag sa taho, sa dul-an sa 200 ka pangulo sa mga nasud nga sakop sa UN.
Mga importanteng hisgutanan kalabot sa dinaliang suliran sa kalisud ug kawad-on lakip na ang kagutonm, ang bitbiton sa Presidente ngadto sa asembleya, matud ni Foreign secretary Alberto Romulo.
Usa ang Pilipinas sa 198 ka nasud nga milagda aron asnaton ang mga katawhan gikan sa kawad-on, kagutom, suliran sa edukasyon, gender equality, pagkunhod sa mga batang mamatay, kasanihan sa kababayen-an, pagsumpo sa AIDS, malungtarong kalikopan ug pagpakigtambayayong sa ubang nasud alang sa patigayon, ug paglingkawas sa utang. (rachiu/PIA)
