Mibisita sa Presidente Gloria Macapagal-Arroyo sa pinaka-dako nga tambalan sa California, Estados Unidos aron paghatag ug pasidungog sa mga Plipino nga doktor, nars, ug ubang mga “medical practitioner” nga maayo nga mihimo sa ilang trabaho sa langyaw’ng lugar.
Masigarbuhon nga gibisita ni Presidente ang Community Regional Medical Center (CRMC) sa Fresno diin kapin sa 2,000 ka nga Pilipino nga nars ug ubay-ubay nga mga mananambal ang nagtrabaho.
Ang pagbisita sa tambalanan apil sa opisyal nga 10 ka adlaw nga pagbisita sa Presidente sa Estados Unidos.
Matud pa ni “acting” kalihim sa Labor Marianito Roque, sa milabay nga 7 ka tuig, mi-abot na sa 5,976 ka mga Pilipino nga nars ang nagtrabaho na sa Estados Unidos ug aduna pay 130,000 nga bakante para sa nars ug “physical therapists”.
Ang mga Pilipino nga “medical practitioners”, labina ang mga nars, pinangga kaayo sa mga langyaw’ng nasud tungod kay sila ma-antigo, pasensyoso, ug mapinangga-on sa ilang trabaho. (PIA/Bohol)