Nakigtagbo si Presidente Gloria Macapagal-Arroyo og ang kandidato sa Republican sa pagka-presidente sa Estados Unidos nga si John McCain aron palig-unon ang relasyon tali sa duha ka nasud.
Matud pa ni Presidente Arroyo, ang mga pilipino sa Estados Unidos gabantay karon sa umaabot nga pinli-ay sa Estados Unidos ug naghina-ut nga magpabilin pa gihapon ang maayong relasyon tali sa Pilipinas ug Estados Unidos.
Gikasabutan usab nila ni McCain ang mga program kon unsaon makab-ot ang kalinaw ug pag-asenso sa Mindanao, gamit ang “hard and soft” nga pama-agi.
Gipasalamatan usab sa Presidente si McCain sa iyang pagsuporta sa Veterans Equity Bill, samtang sa kinatibuk-an, mipasalamat ang presidente sa tabang nga gihimo sa Estados Unidos kabahin sa kasiguru-an og pagkaon sa nasud ug sa tibuok Asya. (PIA/Bohol)