Apil sa iyang 10-ka adlaw nga opisyal nga bisita sa Estados Unidos, mibisita usab si President Gloria Macapagal-Arroyo sa Pentagon, ang buhatan sa United States Department of Defense, ug nakigtagbo kang Kalihim sa Depensa Robert Gates.
Matud pa ni Kalihim Gilbert Teodoro sa Pilipinas, si Presidente Arroyo ug Kalihim Gates mihisgut kabahin sa program kontro-terorismo ug ang Philippine Defense Reform Program (PDRP). Kini usa ka lakang aron makabot ang seguridad dili lang sa nasud kon dili sa rehiyon sa Asya.
Ila usab nga gihisgutan ang pagpalapad sa pagbansay-bansay ug tabang militar sa Estados Unidos pagpatuman sa “defense reform program” ug aron mamahimo ang Pilipinas nga modelo sa kontra-terorism sa rehiyon.
Apil usab sa gihisgutan mao ang “RP-US bilateral military cooperation” hangtud ug lapas sa tuig 2010. (PIA/ Bohol)