USA ka tuig nga pugong sa pagsaka sa abangan alang sa mga balay ug probisyon nga hangtud lamang sa 7% ang iusbaw sa abangan matag tuig hangtud sa 2013.
Kini ang dala sa bag-ong nalagdaan nga Rent Control Law nga gipirmahan ni Presidente Gloria Macapagal-Arroyo sa wala pa saiya molupad paingon sa Ehipto.
Ang Rent Control Law o Republic Act No. 9653 gilaumang magpanalipud sa kapin sa 1.5 milyones ka mangabangay gikan sa paturapak nga pagsaka sa abangan.
Lakip na usab sa probisyones nga nasukip sa balaod mao ang pagdili sa mga tag-iyag paabangang balay sa pagkolektag advance rent nga kapin sa usa ka buwan ug deposito nga kapin sa duha ka buwan.
Hinuon kining balaod moepekto lamang sa mga residential units sa Metro Manila ug dagkong syudad diin ang abangan dili molapas sa P10,000 santang epektibo usab sa nag-abang ug P5,000 nga balay sa lugar nga gawas sa Metro Manila ug dagkong syudad. (PIA)