WALA pa man mobugtaw sa pagbasol ni bisan kinsa ang, samtang padayon pa ang mga imbestigasyon sa nahitabo sa MV Princess of the Stars, gipadayag na ni Presidente Gloria Macapagal Arroyo ang pagbangutan uban sa mga kapamilya sa nahitungdan sa aksidente.
Matud niya, sama sa gibati sa daghang Filipino, nahasubo usab kita sa mga kinabuhi nga nakalas sa bagyo ug sa trahadya sa dagat.
Dungan niini, iya usab nga gipadayag ang iyang kasuko sa nahitabo nga pagkalunod sa barko bisan pa man nga padayon pa nga gituki sa mga imbestigador unsa gayud ang tinud-anay nga nahitabo, nganong nahitabo kini ug unsaon nga kalikayan kini sa umaabot.
Gimandu na ni Presidente Arryo ang usa ka lawom nga imbestigasyon ”aron marepaso ang mga hilisgutan.”
Niini, iya na usab nga gipasalig nga ugkaton ang tanan aron matumbok na ang angay nga manubag sa hitabo subay sa mapalutaw sa imbestigasyon. (rachiu/PIA)