MANILA, Nov. 18 (PIA)–Gipahayag ni Presidente Benigno ‘Noynoy’ Aquino III nga sa pagtinabangay sa tanan, nagbunga na ang mga gipatumang reporma sa administrasyong Aquino.
Gisulti kini ni PNoy sa iyang pagtambong sa ika-75 anibersaryo sa Department of National Defense (DND) kagahapon diin gilusad ang Philippine Defense Transformation Roadmap 2018.
“Ngayon po dumating na tayo sa sandali kung talagang saan may tinatawag tayong virtous cycle. May katahimikan tayo. Nagkakaroon ng pagkakataon ang ating ekonomiyang umusbong at lalo talagang yumabong. Pagdating naman po noong nagkakaroon ng estado, ng dagdag na kakayahang talagang paglingkuran ang ating mga kababayan, lahat ng ginagawa nating pagtutulungang ito ang siyang nagpapamadali na maabot natin ang gusto nating madatnan,” matud pa sa Pangulo.
Gi-ila ni PNoy ang nahimong kontribusyon sa departamento sa Defense sa repormang gipatuman sa administrasyong Aquino.
Nahimong kahigayonan usab ang maong programa aron mahatagan sa Pangulo og mga pasidunggog ang mga miyembro sa Defense department.
10 ka indibidwal ang nakadawat og outstanding achievement medal, Philippine legion of honor nga adunay ranggong officer ug legionnaire.
Sukad Hunyo 2010 hangtud Oktubre 2014, mikabat na sa P41.38 bilyon ang pondong gigahin alang sa AFP Modernization and Capability Upgrade Program.
Uban niini, 46 na ang nakumpletong proyekto apil na ang dugang mga kagamitan sama sa mga barko ug helicopters.
Dungan niini, subling gipahayag sa Pangulo ang gihimong pagpaningkamot sa administrasyong Aquino nga ihatag sa mga sundalo ang mga benepisyong angay kanila sama sa pabalay ug pension. (ecb/PIA7-Bohol)
