PANGUNAHAN sa Pilipinas ang tigum sa mga ministro sa kasanihan sa Association of South-East Asian Nations sa Thailand aron hisgutan ang mga pagpangandam sa pagpugong sa H1N1 nga makaingon sa Mexican Swine Flu.
Mismo si Health Secretary Francisco Duque III mangulo sa tigum sa Bangkok sa sunod semana aron tukion ang mga nagkadaiyang pagpangandam batok sa hulga sa pandemic.
Gipaabot usab nga tukion sa mga sakop nga nasud sa ASEAN ang mga pamaagi aron tubagon ang hulga sa nahisgutang sakit.
Nining tigum, nagdahum ang tanan nga makahimo ang ASEAN og mga kasabutan ug politikanhong panaad gikan sa mga ansud aron hingpit na nga santa-on ang H1N1. (rachiu/PIA)
