TAGBILARAN CITY, Bohol, Nov. 13 (PIA)–Mismong si Presidente Benigno “Noynoy” Aquino ang nanguna sa pagpagawas sa report kalabot sa gihimong imbestigasyon sa Civil Aviation Authority of the Philippines (CAAP) sa paghagsa sa eroplanong gisakyan ni DILG Sec. Jesse Robredo.
Kahinumdoman nga daghan ang nakurat sa nahitabong trahedya diin namatay si Robredo kauban ang piloto ug co-pilot sa Piper Seneca nga nag-crash sa Masbate.
Mi-atubang ang Presidente sa mga mamahayag ug gi tagsa-tagsa pagbasa ang findings sa investigating body.
Gideklarar ni Presidente Aquino nga pilot error ang paghagsa sa eroplano nga gisakyan sa kalihim.
Sa report sa CAAP investigating team, gibutyag ang pipila sa kakulang sa maintenance sa Aviatour nga tag-iya sa eroplano ug pila ka hingtungdang opisyal. (PIA-Bohol/ecb/I-sjp)