HIMOON karong umaabot nga Dominggo ang entrance examination sa Philippine Military Academy alang sa interesadong mga Bol-anon.
Mahimong mokuha sa pasulit ang si-binsan kinsang natural born nga Pinoy, himsug, ang edad dili molapas sa 21 ug di mokubos sa 17 anyos, may maayog kinaiya, single ug wa pa maminyo, dili mokubos sa 5’4 sa lalaki ug 5’2 sa mga babaye.
Kinahanglan usab nakatapos sa high school ug may general average nga 85%.
Kadtong wala pa maka-apply mahimong mosayo ug adto sa Holy Name University aron maasikaso ang exam permits. Hinuon, kinahanglan magdala ug 2 ka prueba sa identification, kopya sa NSO birth certificate ug Form 137 o transcript of records, duha la lapis nga number 2, tahal ug eraser, matud ni Capt. Abraham Cloma sa PMA. (PIA)