PNoy, nagtuo nga dili ang ‘term extension’
ang solusyon aron mapadayon ang reporma sa nasud
MANILA, Oct. 29 (PIA)–Gituldokan na ni Presidente Benigno ‘Noynoy’ Aquino III ang hisgotanan sa posibleng ikaduhang termino sa iyang pamunoan.
Giduso ang posibleng pagpa-uswag sa iyang termino aron giingong magpadayon ang maayong pagdumala nga magpabangon sa nasud batok sa korapsyon ug kakabos.
Sa open forum atol sa 13th CEO Forum sa 118th General Assembly Meeting sa semiconductor ug electronics industries sa syudad sa Makati kagahapon, miingon ang Presidente nga dili solusyon ang ikaduhang termino aron mapatunhay ang maayong reporma bisan sa pagtapos sa 2016.
“There are some quarters that were saying I should try and go for a second term. I don’t think that’s a right solution. We all have a time card in this world… There has to be that continuation of people of like-mind who would deliver on the promises that are real and not just self-serving or nice and pleasant to hear,” matud pa ni PNoy.
Gitumbok pa niini nga kun gustong magpadayon ang maayo nga pagdumala sa nasud, angay pilion gayud ang angayang modumala sa nasud sa piniliay sa 2016.
“If I can ask you also to discern properly as to whom is extolling populist sentiment with no substance as oppose to that which who not only says the right thing but whom you can trust to deliver the same,” dugang pa sa Presidente.
Sa pagkakaron, wala pa gihapo’y pangalan nga gibuhian si PNoy kun kinsa ang iyang napili nga magpadayon sa iyang mga gihimo.
Una nang miingon ang Palasyo nga wala nanghilabot ang administrasyon sa politika nga may kalabotan sa 2016 Presidential Elections.
Giingong nakatutok ang Presidente sa mga mahinungdanong hisgotan sa nasud apil na ang hulga nga power shortage, port congestion ug mga lakang batok sa Ebola virus. (ecb/PIA7-Bohol)
