PNoy, nimando sa pagtapos sa Yolanda rehab sa 2016
MANILA, Nov. 6 (PIA)–Gimando ni Presidente Benigno ‘Noynoy’ Aquino III sa mga ahensiyang nakatutok sa “Yolanda” rehabilitation nga humanon ang mga proyekto sa dili pa siya monaug sa pwesto sa 2016.
Mokabat sa 25,000 ka proyekto ang angay humanon alang sa mga lugar nga naigo sa bagyong Yolanda, usa ka tuig na ang mi-agi.
Matud pa ni Kalihim Herminio Coloma, Jr. sa Presidential Communications Operations Office (PCOO), target sa Comprehensive Rehabilitation and Recovery Plan nga matapos ang 30 porsiyento sa proyekto karong tuig, 50 porsiyento sa sunod tuig ug 20 porsiyento sa 2016.
Mikabat sa 171 municipalities ug 14 ka probinsiya ang naapektuhan sa bagyong Yolanda.
Una nang gipalig-on ni Presidente Aquino ang P168 bilyon nga pondo alang sa rehabilitasyon sa mga biktima sa bagyong Yolanda niadtong Nobyembre 2013. (ecb/PIA7-Bohol)