TAGBILARAN CITY, Bohol, June 20 (PIA)–Makusganon ang pasidaan ni Presidente Benigno “Noynoy” Aquino III sa mga wala mi-seryoso sa gipatuman nga logging ban sa nasud ug padayon sa pagguba sa kalikopan.
Dungan sa kasaulogan sa ika-25 nga anibersaryo sa DENR kagahapon, makusganon ang direktiba sa Presidente sa Department of the Interior and Local Government (DILG), Department of Justice (DOJ) ug Department of Environment and Natural Resources (DENR) sa pagmugna og mga mekanismo aron mapalapdan pa ang kampanya batok sa illegal logging operations sa nasud.
Giingong gipangandaman na usab sa Bureau of Corrections ang pagdawat sa mga madakpan ug manubag sa balaod kalabot sa pagguba sa kalikopan.
“Magsisiksikan ang mga ito sa loob ng kulungan kung babalewalain ang aking atas na proteksyunan ang kalikasan” matud pa sa Presidente.
Samtang gibutyag sa Presidente ang paggahin og dugang P5-M nga pondo sa Environmental Heroes Foundation ug pinaagi sa Green Program sa gobyerno, mahimo kining tamnan og mga bag-ong punoan ang pito ka milyong ektaryang kalasangan nga naupaw na tungod sa illegal logging. (PIA-Bohol/ecb)
US, gi-ila ang kampanya sa PH batok sa human trafficking
TAGBILARAN CITY, Bohol, June 20 (PIA)–Nagpabilin sa Tier 2 category ang Pilipinas kalabot sa pagbatok sa human trafficking base sa tinuig nga Trafficking in Persons report sa Estados Unidos.
Matud pa ni Justice Secretary Leila de Lima, usa kini ka mahinungdanong pag-ila sa agresibong inisyatiba ug programa sa gobyerno aron padayon nang mapapas ang human trafficking.
Nasulod sa Tier 2 category ang pagpursige sa gobyerno nga makasunod o makatuman sa mga gitakdang sumbanan sa Estados Unidos sa pagbatok sa human trafficking.
Gitumbok usab sa maong taho ang mas daku nga pondo ang gigahin sa gobyerno aron masulbad ang problema pinaagi sa Inter-Agency Council Against Trafficking o IACAT.
Dugang pa ni De Lima nga mokabat sa $1.5 milyon o naa sa P65 milyon ang gigahin sa gobyerno aron suportaan ang operasyon batok sa human trafficking.
“The report recognized our government’s increased funding for its effort in curbing the problem through its primary anti-human trafficking outfit, the Inter-Agency Council Against Trafficking o IACAT,” matud pa ni De Lima. (PIA-Bohol/ecb)
