DILI lang si Pacman maoy pound for pound fighter, siya usab maoy bag-ong crime buster.
Kini maoy bag-ong titulo nga nakuha ni Manny Pacquiao, dili sa iyang pagpakamang kang hitman Ricky Hatton apan sa pagpatumba sa krimen sa Mega Manila sa mismong mga takna nga iyang gisagubang ang Briton nga boxer.
Sahi sa iyang nakuha nga titulo, ang titulong crime buster gitanyag sa Philippine National Police ngadto kang Pacquiao sa pagkunhod sa insidente sa krimen dihang nagpadayon ang iyang away.
Kini samtang giandam na usab sa Manila ang usa ka victory parade alang kang Pacman sa iyang pag-hidangat sa Pilipinas sa Biyernes pohon.
Matud ni Deputy Presidential Spokesperson Lorelei Fajardo, gipahiluna sa sa Office of the President’s Appointments Office ang mga detalye sa pagtimbaya kang Pacman.
Gipakuratan ni Pacman ang tibuok kalibutan niadtong Dominggo dihang iyang gipakamang ang mas dako nga boksidor nga si Ricky Hitman Hatton, sa ikaduhang hugna sa away nga moabot unta sa 12 ka hugna. (rachiu/PIA)